Primeira convocatoria do Circular Bio-based Europe

A asociación europea Circular Bio-based Europe, dirixida a apoiar a competitividade das industrias con base biolóxica e circular en Europa, ten aberta a súa primeira convocatoria cun orzamento total de 120 M€. Apoiaranse proxectos en eidos como a investigación de proteínas de fontes alternativas e non convencionais, o desenvolvemento de modelos empresariais cooperativos para a valorización sustentable de residuos no rural ou a produción de alternativas biolóxicas aos bloques de construción químicos de base fósil.