Poética da paisaxe

A Paisaxe orixinariamente era un concepto estético, mais hoxe en día permite aproximacións multidisciplinares. É unha realidade obxectiva á vez que unha percepción subxectiva e emocional, que depende moito de quen a observe e da cualificación cultural da súa mirada sensitiva e outorgadora de valores. Esa mirada valorativa se ten expresado dun xeito múltiple, nos campos da literatura, arte, filosofía, xeografía, xardinería, arquitectura, toponimia, fotografía, cinema... A esta multiplicidade de olladas pretendemos achegarnos ao tratar da Poética da Paisaxe.