Pesca e aves mariñas, grandes aliadas: Noraves e outros proxectos colaborativos co sector pesqueiro para a redución de interaccións coa fauna mariña

Esta xornada de presentación de resultados pretende dar a coñecer os resultados do proxecto NORAVES (avaliar a mortalidade accidental de aves mariñas asociada ás artes de pesca na Demarcación Mariña Noratlántica) e, ao mesmo tempo, favorecer a creación de sinerxias con outros proxectos da mesma convocatoria que abordan temáticas afíns —como a mortalidade accidental e a interacción das aves mariñas e os cetáceos coa actividade pesqueira—, configurando unha xornada monográfica centrada nesta problemática, na que se presenten os resultados de distintos proxectos do Programa Pleamar.