O mellor agasallo: recicla o teu Nadal

Cada vez temos unha maior preocupación pola nosa pegada ecolóxica; preocupación que debe reforzarse nesa loita sen cuartel que debemos librar contra o cambio climático.
Non se trata de facer grandes sacrificios, senón de recuperar valores, de establecer prioridades, de reverter malas prácticas e de evitar o malgaste.
Podemos gozar destas Festas gastando racionalmente e con control, de tal forma que o noso peto, xa afectado pola elevada inflación, non sufra máis do necesario.
Lembra:
Contedor amarelo: envases de plástico, latas e briks.
Contedor azul: papel e cartón.
Iglú verde: envases de vidro.
Contedor marrón: materia orgánica.
Contedor convencional: fracción resto.