Nova Rede de Preparación para a Reutilización

A Consellería de Medio Ambiente promoveu ao longo de 2019 diferentes accións para poñer en marcha en Galicia unha rede propia de colaboración que promova e execute proxectos baseados na reutilización e reparación de obxectos e materiais.
Desde hoxe e ata o 5 de decembro, todas as entidades interesadas en participar e implicarse activamente na iniciativa poderán inscribirse a través dunha nova web.
O pasado mes de outubro empezou a desenvolverse unha experiencia piloto en Valga, coa posta en marcha dun espazo municipal de reparación e intercambio de enxoval e outros materiais, e o vindeiro 11 de decembro celebrarase en Santiago unha reunión preparatoria, que suporá o lanzamento oficial da Rede Galega PxR.