Noite de morcegos

Estamos no momento de maior actividade do morcego migrador Pipistrellus nathusii, unha especie que o equipo de Morcegos de Galicia está a estudar no marco do proxecto SONAT. O obxectivo desta actividade nocturna é achegar ao público o mundo dos morcegos e as técnicas que se empregan para o seu estudo. Deste modo, fanse observacións ao anoitecer, aprendendo a escoitar e identificar a actividade dos morcegos polas súa emisións ultrasónicas e, se as circunstancias o permiten, capturando algúns exemplares para identificar en man e tomar datos biométricos e fisiolóxicos.