Mar de Antela - Inauguración e Presentación do proxecto

Mar de Antela é un proxecto de transformación dun dos espazos do centro IES Lagoa de Antela, inspirado nas salas de grandes esqueletos dos museos de ciencias naturais. A proposta consistiu no deseño, construción e instalación, por parte do alumnado de 1º da ESO, dunha serie de 10 modelos en cartón, de exemplares da fauna mariña galega a escala real, que miden entre 65 centímetros e 5,2 metros de lonxitude.