Maletas viaxeiras

Un novo servizo dirixido aos centros educativos galegos, as Maletas Naturalistas, unha colección de libros para achegar o medio natural ao seu alumnado. As maletas recollen unha selección de guías de flora, fauna e fungos, cadernos de campo, así como outros recursos didácticos, co obxectivo de dar a coñecer o patrimonio natural da nosa contorna máis próxima, ademais de fomentar e apoiar a realización de actividades ao aire libre nos centros de ensino. Os recursos poden empregarse tanto en Educación Primaria como Secundaria, porque calquera idade é boa para achegarse á natureza!.