III Encontro de sustentabilidade e envase na economía circular

Este Encontro ten como obxectivo coñecer o concepto de economía circular e a súa aplicación no campo do envase, profundar no contexto lexislativo actual en envases e sustentabilidade a nivel europeo, nacional e autonómico. Coñecer os sistemas de xestión dos residuos de envase e analizar as tecnoloxías actuais para o tratamento dos residuos de envase. Ademais de profundar en tecnoloxías de tratamento innovadoras para a reciclabilidade de envases e establecer as pautas para aliñar os envases cos novos requirimentos en reciclabilidade, reutilización e compostabilidade.