I Congreso internacional de gandería rexenerativa “Rendibilidade e servizos ambientais”

Baixo o lema “rendibilidade, sociedade e servizos ambientais”, o Congreso examinará prácticas gandeiras que contribúen á adaptación e mitigación do cambio climático, así como á comercialización dos seus produtos, abordando tamén os principais desafíos que enfronta o sector.
O evento organízase no contexto do proxecto PASTURE+: produtos gandeiros que restauran o capital natural, contribúen á loita contra o cambio climático e fomentan o desenvolvemento rural. Esta iniciativa conta co respaldo da Fundación Biodiversidade, pertencente ao Ministerio para a Transición Ecolóxica e o Reto Demográfico (MITECO), no marco do Plan de Recuperación, Transformación e Resiliencia (PRTR), financiado pola Unión Europea a través dos fondos NextGenerationEU.