I Congreso Internacional de Dixitalización Forestal (Cidifor)

O congreso ten como finalidade presentar os avances e resultados do proxecto RetechFOR e habilitar un espazo de intercambio técnico sobre experiencias, prácticas e desenvolvementos tecnolóxicos orientados a unha xestión forestal máis eficiente, sostible e resiliente. O programa organízase en tres bloques temáticos: tecnoloxías habilitadoras para a xestión de recursos forestais (dixitalización, sensorización, intelixencia artificial, teledetección e análise de datos); solucións tecnolóxicas para a prevención e loita contra incendios forestais e outros riscos ambientais; e medidas para o impulso da actividade económica ligada ao sector forestal primario e secundario, con atención á bioeconomía e á valorización dos recursos forestais.