Eliminación de invasoras no río Tambre

ADEGA, continúa coas actividades de xestión e control da flora exótica invasora, no marco do Proxecto Fluviatilis. Nesta ocasión, o voluntariado ambiental trasladarase este xoves, 24 de abril, ata o río Tambre, ao seu paso polo concello de Ames, para eliminar a planta invasora Tradescantia fluminensis e revexetar a zona con árbores autóctonas.
O obxectivo final destas actividades é dar a coñecer as problemáticas ambientais que ameazan os ecosistemas fluviais e facilitar a participación cidadá na súa xestión, a través de accións de voluntariado ambiental, para fomentar actitudes e comportamentos que redunden nunha mellora dos ríos.