Ecomenú Literario: lectura en voz alta para saborear a natureza

Xuño trae consigo unha das épocas do ano que máis disfrutamos na biblioteca verde do CEIDA: a de abrir as portas ao xardín, sacar os libros ao exterior e deixar que a lectura se mesture cos sons, os aromas e as cores da natureza. Co Día Mundial do Medio Ambiente á volta da esquina, regresa o Ecomenú Literario, unha proposta de lectura en voz alta, diálogo e reflexión compartida para reconectar coa natureza a través das palabras.
Durante a actividade, dirixida a público adulto e xuvenil (a partir de 16 anos), as persoas participantes poderán descubrir unha selección de textos e lecturas preparadas para a ocasión, nun menú degustación inspirado na natureza, a emoción e a escoita colectiva.