Do 19 de febreiro ás 08:00 h (a.m) ao 1 de marzo ás 08:00 h (a.m)
O obxectivo do curso é ofrecer a formación necesaria para poder exercer axeitadamente o labor de guía no Parque Nacional, razón pola que está enfocado a dar aos participantes as ferramentas, técnicas e bases conceptuais imprescindibles para o desenvolvemento de actividades didácticas e a dinamización de grupos.
A formación teórica afondará en materias relacionadas coa lexislación correspondente e o Plan reitor de usos e xestión do parque, cuestións relativas á fauna, á flora e ao medio mariño dos catro arquipélagos, do seu patrimonio cultural, histórico e etnográfico ou das rutas existentes nas illas, incluíndo recomendacións específicas para garantir que as persoas con diversidade funcional teñan unha mellor experiencia durante a súa visita.
