Curso Básico de Xestión e Tratamento da Auga para o Consumo Humano

Dar a coñecer aos/ás participantes as características básicas do ciclo natural da auga, incidindo nos procesos do ciclo urbano da auga. Ensinar aos/ás traballadores/as das entidades locais os principais sistemas de captación e tratamento da auga que se levan a cabo nas estacións de tratamento de auga potable e nas redes de abastecemento. Incidir na importancia dos controis de calidade nos procesos de almacenamento, transporte e distribución da auga. Estudar a lexislación aplicable nos circuítos da auga, principalmente o Real decreto 140/2003 e o Real decreto 902/2018 sobre a calidade da auga de consumo humano e nos protocolos de xestión e abastecemento de auga para o consumo humano.