Cuestionario de Participación Aves Ártabras

O proxecto ‘Aves Ártabras’, é unha iniciativa que pretende avanzar na protección do medio mariño do Golfo Ártabro en base á conservación das súas aves mariñas.
O proxecto ‘Aves Ártabras’ culminará nas vindeiras semanas coa elaboración dun documento final que recolla os resultados de inventariado e descrición científica das poboacións de aves mariñas e do proceso participativo, pero antes de finalizar, o CEIDA quere animalo a colaborar no proceso de participación, poñendo á súa disposición un formulario co que pretende recoller as suxerencias e opinións de toda a cidadanía, tanto a título persoal como en representación de entidades públicas ou privadas.