Creación de espazos de diálogo para mellorar a saúde dos solos

O proxecto HuMUS (Healthy Municipal Soils) financiará, con 600.000 €, 20 proxectos pilotos que reúnan a empresas, ONG, agricultores, consumidores, investigadores e responsables públicos para poñer en marcha un Acordo de Xestión Territorial coa metodoloxía desenvolvida polo proxecto. Ademais do financiamento, os gañadores da convocatoria recibirán apoio técnico. A misión de HuMUS é facilitar o despregamento da Misión do Solo da UE a nivel rexional e local en Europa.