Non existe ningunha limitación para a participación nesta Convocatoria de Proxectos Clima a ningún tipo de suxeito. Deste xeito os Proxectos Clima poden ser propostos tanto por entidades privadas de distinta índole (PEMES, consultoras, provedores de tecnoloxía, empresas de servizos enerxéticos, asociacións, fundacións, etc.) como por institucións públicas (Concellos, Deputacións Provinciais, Comunidades Autónomas, etc.). Tamén un mesmo suxeito pode presentar máis dun proxecto.
Os Proxectos Clima do Fondo de Carbono para unha Economía Sustentable son proxectos de redución de emisións de Gases de Efecto Invernadoiro ( GEI) situados en España e desenvolvidos nos coñecidos como “sectores difusos” (non suxeitos ao sistema europeo de comercio de dereitos de emisión). O FES-CO2 incentiva a realización destes proxectos mediante o pago aos promotores seleccionados dunha cantidade determinada por tonelada de CO2 equivalente ( tCO2e) reducida e verificada.
Sectores de actividade potencialmente beneficiarios do FES-CO2:
- Agricultura e gandería.
- Transporte.
- Residencial, comercial e institucional.
- Xestión de residuos.
- Gases fluorados.
- Pequena Industria.
- Minería.
Fondo de Carbono para una Economía Sostenible (FES-CO2).
Antes do 26 de abril de 2019.
