O campus de Vigo é o escenario este venres 12 de maio, dun evento participativo de ciencia cidadá que ten por obxectivo que as persoas participantes identifiquen o maior número de especies nun tempo determinado. É o que se coñece como bioblitz, unha actividade que se celebrará por primeira vez na Universidade de Vigo da man da Unidade de Cultura Científica, UCC+i.
Inserido dentro do programa Ciencia de ida e volta que se desenvolve co financiamento da FECYT, o bioblitz tamén se desenvolverá simultaneamente en Ourense co mesmo horario, entre as 10.00 e as 12.30 horas. Este evento está aberto a toda a cidadanía, que poderá coñecer e explorar os ecosistemas do campus converténdose en “exploradoras e exploradores das ricas contornas naturais" do campus.
Esta actividade é de balde, pero é preciso inscribirse previamente.
Contenido
