Bioblitz Fluvial. Seguimento de micromamíferos

Estudo de determinados grupos de fauna. Participaremos no programa de Seguimento de Micromamíferos Comúns de España (SEMICE) promovido pola Sociedade Española para a Conservación e Estudo dos Mamíferos (SECEM).
Este seguimento consiste na colocación de trampas para capturar pequenos mamíferos aos que logo se lles realiza unha biometría e marcado para o seu rexistro. Estas accións son realizadas por G.E.A.S. (Grupo Especialista en Animais Salvaxes) que coloca as trampas e realiza o inventario. O voluntariado participante acompañará aos biólogos expertos na revisión das trampas e no marcado e medicións dos exemplares.