Anuncio de aprobación das bases e a convocatoria para a contratación de tres peóns forestais encargados/as do manexo e actuación do vehículo motobomba (VMB) dentro convenio de colaboración coa Consellería de Medio Rural. Concello de Touro

A convocatoria ten por obxecto contratar 3 peóns forestais encargados/as do manexo e actuación do vehículo motobomba, a xornada completa, por un período de tres meses a contar dende a data de inicio do contrato, ao abeiro do Convenio entre a Consellería de Medio Rural e o Concello de Touro para a realización de accións de prevención e defensa contra os incendios forestais durante os anos 2025-2026, cofinanciado parcialmente co Fondo Europeo Agrícola de Desenvolvemento Rural (FEADER) no marco do Plan Estratéxico da Política Agraria Común (PEPAC) 2023-2027.