Orde conxunta do 12 de decembro de 2005, da Vicepresidencia da Igualdade e do Benestar, da Consellería de Presidencia, Administracións Públicas e Xustiza, da Consellería de Educación e Ordenación Universitaria, da Consellería de Innovación e Industria, da Consellería de Sanidade e da Consellería de Medio Ambiente e Desenvolvemento Sostible, pola que se conceden os premios á innovación educativa sobre os temas transversais.

Orde conxunta do 12 de decembro de 2005, da Vicepresidencia da Igualdade e do Benestar, da Consellería de Presidencia, Administracións Públicas e Xustiza, da Consellería de Educación e Ordenación Universitaria, da Consellería de Innovación e Industria, da Consellería de Sanidade e da Consellería de Medio Ambiente e Desenvolvemento Sostible, pola que se conceden os premios á innovación educativa sobre os temas transversais. A Vicepresidencia da Igualdade e do Benestar, a Consellería de Presidencia, Administracións Públicas e Xustiza, a Consellería de Innovación e Industria, A Consellería de Educación e Ordenación Universitaria, a Consellería de Sanidade, e a Consellería de Medio Ambiente e Desenvolvemento Sostible convocaron premios á innovación educativa sobre os temas transversais a través da Orde do 22 de xullo de 2005 (DOG do 29 de xullo). De conformidade co disposto no artigo 6º da devandita orde conxunta, o día 22 de novembro de 2005 constituíuse o xurado encargado de avaliar os traballos presentados, procedendo á súa valoración e redactándose na mesma data acta da proposta para a súa aprobación e publicación no Diario Oficial de Galicia. En consecuencia co anteriormente exposto, a Consellería de Educación e Ordenación Universitaria, a Vicepresidencia da Igualdade e do Benestar, a Consellería de Presidencia, Administracións Públicas e Xustiza, a Consellería de Innovación e Industria, a Consellería de Sanidade, e a Consellería de Medio Ambiente e Desenvolvemento Sostible DISPOÑEN: Primeiro.-Declarar desertos os seguintes premios dos seguintes temas: - A transversalidade na educación. - A educación para o consumo. - Prevención do consumo indebido de drogas - Educación para a paz e multiculturalidade. - Educación ambiental e para a sustentabilidade. - E un premio en educación para a igualdade de ambos os sexos. Segundo.- Conceder os premios á innovación educativa sobre os temas transversais, convocados por Orde conxunta do 22 de xullo de 2005, aos traballos que se relacionan no anexo a esta resolución. Terceiro.- Esta orde entrará en vigor a partir do día seguinte ao da súa publicación. Cuarto.- Contra esta orde poderase interpor recurso de reposición perante os órganos convocantes no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, ou ben directamente recurso contencioso-administrativo, no prazo de dous meses, perante o Tribunal Superior de Xustiza de Galicia. Santiago de Compostela, 12 de decembro de 2005. Anxo Manuel Quintana González Vicepresidente da Igualdade e do Benestar José Luis Méndez Romeu Conselleiro de Presidencia, Administracións Públicas e Xustiza Laura Sánchez Piñón Conselleira de Educación e Ordenación Universitaria Fernando Xavier Blanco Álvarez Conselleiro de Innovación e Industria María José Rubio Vidal Conselleira de Sanidade Manuel Vázquez Fernández Conselleiro de Medio Ambiente e Desenvolvemento Sostible ANEXO - Premios á innovación educativa sobre os temas transversais * Tema: A transversalidade na educación. Decláranse desertos os premios. * Tema: educación vial. Dous premios, de 1.500 euros cada un, aos traballos seguintes: - Título: Vial-Test. Autor: José Antonio Vicente Rodríguez. Centro: CEIP O Piñeiriño. Vilagarcía de Arousa (Pontevedra). -Título: Ti tes a chave. Proxecto de educación vial. Coord.: Ramón Pérez Rey. Centro: CEIP A Igrexa Calo, Teo (A Coruña). * Tema: educación para o consumo. Decláranse desertos os premios. * Tema: prevención do consumo indebido de drogas. Decláranse desertos os premios. * Tema: educación para a saúde. Un premio, de 1.500 euros, ao traballo: - Título: Síntome corpo. Autor: Roberto Barcala Furelos. Centro: IES de Cacheiras, Teo (A Coruña). Un premio, de 1.500 euros, ao traballo: - Título: Un lombo para a vida. Autora: Mª José Castro Girona. Centro: CEIP Luis Pimentel, Lugo. * Tema: educación para a paz e a multiculturalidade. Decláranse desertos os premios. * Tema: educación para a igualdade de ambos os sexos. Un premio de 1.500 euros ao traballo: - Título: Eu penso, ti pensas,...pensamos xuntos. Coord.: Xoán Carlos Abad Gallego. Centro: IES de Chapela, Redondela (Pontevedra). * Tema: educación para o lecer. Dous premios, de 1.500 euros cada un, aos traballos seguintes: - Título: A radio na aula: proxecto de radio escolar. Autor: Javier Estévez Ferreiro. Centro: Colexio Divino Pastor, Vigo (Pontevedra). -Título: Colonias escolares do CEIP Mosteiro-Bembrive. Coord.: Ofelia Garrido Davila. Centro: CEIP Mosteiro-Bembrive, Vigo (Pontevedra). Tema:Educacion ambiental e para a sustentabilidade. Decláranse desertos os premios.